حشاش ويا ابو المولده

قصة فد واحد وية ابو المولدة .....
-سلامن علييييكم وچ و كفة مضروب قاط صبغ بنزركي فاتح شونك عمو ابو المولدة؟؟؟
- شنووو شنو صبغ شنو فاتح هاي شبيك عمووو؟
- عمو هاي شبيك دعبلنا السلام بس انتة ما اتجاوب واذا سلام مال صباغين شكو بيهاا؟
- ابني دعبلنا شنو ؟؟؟شنو لاعب وياك دعابل قبل؟؟؟
- لا عمو لاعب ابخشمك خط وسط
-اللهم طولج يا روح ........أتفضل؟؟
- لا عمو هستوي متغدي تسلم
- أبني ما عازمك على زقنبوت أتفضل يعني اشرايد؟؟
- شرايد لو مجلات؟؟؟نياااا ها ها حلوة مو عمو؟ بس حلكها جبير
- ابني ...حبيبي شرايد مني؟
-العفو عمو مو هذا المكان اللي دا اريد اوصل اله؟؟؟
- و اني شمدريني انتة وين اتريد توصل مصخم ؟؟؟
-عبالي تعرف لان مبين عليك خوش رجال عمو و اذانك كبار يعني تركيبتك الآيديولوجية بيها تخمر ذهني خصم الحجي عمو انتة مو امخبل يعني بس أشعجب انتة هم واكف هنا عبالك دا اريد اجيك و جيتك يا سبحان الله!!!!
- ابني شدا اتخربط؟؟؟شنو شرايد مني؟؟ ,,,,,فظنييي!!!
-مو هاي مو مولدة؟؟
- لا ابني,,,, كنتور
- لا عمو كنتور شنوو؟ لعد وين الهدوم؟؟ القبوط البازة و الفانيلات الجلد؟؟لا هذا بورد مال جوزات و هذا الكيس اقصد المحرك و هذا الكابريتر أي والله وداعتي و هذا الكازكيت و هذا القفص مالتها ايخبل شنو عمو جايبة من سوك الغزل؟؟
- أبني اشعندي ماليبو دا اشغل و بعدين شنو سوك غزل قفص مال بلابل كدامك؟؟؟ هية مولدة اي مولدة والله مولدة و داعتك مولدة شراييييييييددددددددد من شتعل ابو المولده ؟؟؟؟؟؟؟؟؟؟؟؟
- عمو زين هاي الجوزات تفتهم بالطب؟؟؟
- شنووووو؟ولك يا طب؟؟؟؟
- لعد مو عدها بورد؟؟؟؟؟ أي مو اللي يفتهم بالطب عندة بورد؟؟؟؟
- لك يا بورد يا دنكة مال خللفك أنتة شنو خبل؟؟؟ لك بورد مال جوزات هذا ,,,,لك شترييييييييييييييد؟؟؟؟؟
- هاي شبيك عمو كمت اتعضعض اب دشتاشتك و اتهلّس ابشعرك شنو ناسي شي اجيبلكياا؟؟؟ لو ناسي عجرم نياااااا ها ها ؟؟ اشو عصبي رايد اسحب منك خط هاي شبيك؟؟
- هاااا يا اهلا وسهلا (ما احجيلكم ابو المولد اكبر مادي و ابو فليس رأسا بدل190 درجة و ذب اللو اي عمي طبعا فلووووووووووس!!) اي ابني تدلل عندي خطوط
- عمو رايدة أثير الله ايخليك
- هوة شنوة أبني؟؟؟
- الخط
- نعلى على ساعة السودة اللي جبت بيها هال مولدة الكشرة,, لك شنو أثير جاي تنصب عليه؟؟؟؟؟؟؟
- لا عمو هاي شبيك عبالي تنطي خطوط مال موبايل وياها ما اقصد شي
(ابو المولد كام يباوع يمنة و يسرة حسيت ديريد يتذكر وين خلة التوثية بس الظاهر مدا يتذكر ويين)
- أبني انتة شكد رايد؟؟
- رايد الماجد نياااااااااااا هاع هاع هاع
-شنوو؟؟؟؟؟
- لا هيج عمو بس هوة شنوة؟؟؟
- الخط غيرر؟؟؟؟
- يا خط عموو؟؟؟
- أبني لا اتخبلني لعنة الله على الشيطان مو جاي تاخذ خط مني شنو نسيتت؟؟
- هااا أكوول ليش اني هنا اي عمو مرات انسى و هاي الحالة اتصير عندي من البس جواريب مبلله تدري مشاكل القرحة عمو
- (.....................................) عمو ديدردم و جنة ديريد يخابر عال 130 عليه
-خلص عمو اتذكرت رايد هااا لحظة الجوزة عليك عمو
- لا ابني شون عليه؟؟
- اي عمو يعني عود انطيك فلوسها من ادفعلك القسط الشهري لهذه المولدة الكهربائية الرائعة بأذن الله ( كلت خلي اصير مثقف براسه بلكت ينزلي الف و نص شيي) بس الجوزة خوما اتنفس؟؟؟؟
- شون اتنفس يعني؟؟ ليش راح اشدلك قنينة غاز عال بورد؟؟؟ولك انتة متخلف؟؟من يا كوكب جاي أنتة؟؟؟
- من كوكب الشرق أم كلثوم ,,,,,,لا عمو قصدي الجوزة خوما اتسرب كهرباق؟
-كهرباق؟؟؟؟ لا ما اتسرب كهرباق
- خوش لعد عمو أبو المولدة طكني أبجوزة بس شوية مستوية مو هالمره أتخليني ارجعلكياها و نتخارب
- أللهم طولج يا روح ,,,زين أبني ,,, ميخالف ,,,,ام ال شكد؟؟؟
- ام ال 60 امبير
- شنووو؟؟ ما عندي 60 امبير بعدين 60 امبير شصخم بيها؟؟؟؟
- مو الاتاري ما اخوية الصغير يسحب هواية خصوصا هاي مال الارنوب اللي ديعبر الشارع و كلساع ينسحك لأن ابو المرور ماكو أمسافر السوريا و.....,,,,,
- اللهم صبرني يا رب ( ابو المولد خلص اتأكد انه اللي واكف كدامة لو امخبل لو امكبسل )
- زين عمو عندك واير فد 10 كيلوات
- ليش ابني شسوي بيه؟
- حتى اسحب منك غير؟؟
- ابني ليش 10 كيلوات ليش انتة وين مهجومك؟؟؟( الحكووليييي أبو المولد جنة راح يخبزني و يسويني خبز عروك للجهال)
- بالكراده عمو ليش ؟؟؟ ترة خوش منطقة بس كلها طسات من من تمطر اتصير عدنا مسابح أولومبيه و ,,,,
- لك انتة امخبل؟؟؟؟ لك انتة قرد؟؟؟؟؟؟ لك جايني للمنصور اتريد تسحب خط للكراده ؟؟؟؟؟؟منغولي انتة؟؟
- عمو ليش شنو ممنوع؟؟؟ والله ما اعرف ممنوع اذا بيها مسائلة و حبس ملازم عمي مابينا حيل للطلايب أني افلت عمو مع السلامة ,,,أبو الكياااااااااااااااا أوكف (هاي أني دا أصيح)
- لك وليدي لك تعال بابه وين امولي؟؟؟ لك ممنوع شنو دنهرب مخدرات؟؟؟ ابني اكثر شي 200 متر و حتى هاي صعبة
- عمو عمو عندي حل شنو رايك اشتري grid من شارع الصناعة و أسحب منك كهرباء وايرليس؟؟؟؟
- لك انتة اتريد تجلطنييييييييييييييييي؟؟؟؟؟؟؟ نعلى على اليوم اللي جبت بي هال مولدة الغبرة
أشو هذا راح ورة شوية جاب ويا قذيفة آر بي جي و طرررررمممممممممم عال مولدة بحيث صارت يورانيوم و هم مو منضب و أبو المولد حاليا كاعد أبمستشفى
المخابيل يرسم جوزات أم ال 20 عال الحايط و المرض مالتة انه متصور نفسة راس توليد و محد مدا يعرف يعالجه و اني لحد الآن دا اريد خط ماكو ردت دائرة
(ملازم خط) كامو ايضحكون عليه (أشكد فطّر) و اللي يعرف أبو مولد بالمحمودية أو الأسكندرونة أو اي منطقة قريبة عال كراده
خلي ايكللي عليها حتى أسحب خط بس لحد الآن محد سالني ورة هال هوسة هاي كلها شرايد بالخط و شسوي بيه؟؟؟؟؟
أني رايد ربع امبير للبرج مال الطيور اللي بالسطح أكهربه حتى لحد أيبوكهن
هاهية,,,,,,,,,,,,,,,,,,,,,,,,,,,,,,,,,,,,,,,,,,,,,
و تعيشون و تسلمون

اشلونهه مو اتخبل بس ردودكم فدوه